Астрономија !

Ако постои живот на Венера, можно ли е да бил „издуван“ до Земјата?

Ја
знаеме можноста дека вонземскиот живот пристигнал од друга планета,
астероид, или комета. Меѓутоа, начинот на транспорт обично вклучува
парче карпа кое паѓа на нашата планета, како метеор. Сепак, можеби
постои и друга форма на меѓупланетарна трансмисија. Што ако има
микроскопски форми на живот, кои лебдат во горниот дел од атмосферата
на Венера (облаците содржат компоненти кои индицираат присуство на
микроорганизми)? Можно ли е тие да допатувале до Земјата? Очигледно е
можно, ако Земјата и Венера точно се подредат, за сончевиот ветар да
може да носи микроби од горните облаци на Венера до Земјата за време од
неколку дена...

Уметнички приказ на „ударот“ на Сончевиот ветар во атмосферата на Венера

Заради
нивната големина и геологија, кои се многу слични, Земјата и Венера
често се нарекувани сестри. Иако површината на Венера можеби изгледа
непогодна за да цути живот (температурата и атмосферскиот притисок се
екстремни), сепак можно е да постои микробски живот во облаците.
Регионот, кој се наоѓа на 50 km над површината на Венера, можеби е
најземјоликиот во целиот Сончев систем.

Затоа, не треба да биде
изненадување зашто некои научници веруваат дека тоа е добра локација за
да трагаат по најосновните форми на живот. Двајца такви научници се д-р
Чандра Викрамасинге (Chandra Wickramasinghe) и д-р Јанаки Викрамасинге
(Janaki Wickramasinghe) од центарот за астробиологија Кардиф, во Велика
Британија (Cardiff Centre for Astrobiology), кои веруваат дека
хемискиот состав на облаци на Венера покажува присуство на
микроорганизми. За нивното истражување тие користеле податоци од
мисијата Венера Експрес, која сèуште е активна во орбита околу Венера,
и која се обидува да дознае зошто Венера е толку различна од земјата
после 4,6 милијарди години планетарна еволуција.

Двајцата
научници сметаат дека Венера и Земјата не се само геолошки слични, туку
дека можеби се и биолошки слични. „Венера и Земјата често се нарекувани
сестри поради нивните геолошки сличности. Нашето истражување предлага
дека двете сестри можеби се поврзани и биолошки“, вели Чандра. Меѓутоа,
тие не застануваат тука. Ако навистина постои живот на Венерините
високи облаци, можно е тие микроорганизми да го преживеат патот низ
Вселената, оплодувајќи ја Земјината атмосфера. Природно, ова може да се
случи само кога планетите се подредени една зад друга, за Сончевиот
ветер, да транспортира и микроби, еродирајќи ја атмосферата на Венера.

Како
и да е, теоријата за живот на Венера има свои критики. „Идејата за
живот на Венера, особено во облаците каде температурата и притисокот се
слични со тие на Земјата, е веќе некое време присутна, меѓутоа не е
многу веројатна“, вели професорот Фред Тејлор (Fred Taylor), планетарен
научник на Оксфорд Универзитетот.

Сепак, ова е интересно поле на
истражување, кое може да оди во насока да ја објасни фразата и насловот
од книгата „Мажите се од Марс, а жените од Венера“. Па, барајќи живот
на Марс или Венера, не изгледа шокантно воопшто...

Откриена огромна црна дупка
Огромна црна дупка се наоѓа во центарот на нашата галаксија, потврдила најновата студија на германските астрономи.

Научниците со помош на Јужните европски опсерватории, лоцирани во Чиле, го набљудувале движењето на 28 ѕвезди, кои кружат во средишниот дел на Млечниот пат и дошле до сознание дека таму се наоѓа црна дупка, која е дури четири милиони пати потешка од нашето Сонце.

Резултатите од истражувањето навдуваат на тоа дека галаксиите се создаваат околу црни дупки, слично на создавањето на бисерот во школката.

“Иако ние црните дупки ги сметаме за некаква закана, во смисла дека ако се доближите премногу блиску ќе бидете во невоља, тие би можеле да имаат клучна улога во создавањето на галаксијата, и тоа не само на нашата, туку и на сите“, рекол доктор Роберт Маси од Кралското астрономско друштво.

Маси рекол дека црните дупки помогнале да се спои материјата, а доколку постои доволна густина, тогаш постојат услови за создавање на ѕвезди. “Така можело да дојде до создавање на првата генерација на ѕвезди и галаксии“, додал Маси.

Научниците од германскиот Макс Планк институт за вселенска физика велат дека црната дупка се наоѓа на оддалеченост од 27.000 светлосни години од Земјата.

“Без приговор најспектакуларниот аспект на нашето 16-годишно истражуавње е тоа што не` доведе до најголем емпириски доказ, дека супермасивни црни дупки постојат. Ѕвездените орбити во центарот на галаксијата покажуваат дека централната концентрација на маса од дури четири милиони соларна маса мора да биде црна дупка, без било каков сомнеж“, рекол професорот Рајнхард Гензел, шеф на истражувачкиот тим.

Иначе људи да ви кажу дека у Куманово почна да функционира Астрономски Клуб - Кокино, па ако е некој заинтересиран нека гу посети нашу страну или наш Форум . Значи сви заинтересирани за Астрономију и за развивање на исту у наш град и пошироко можете да се зачлените на Сајт или на Форум ако сакате да придонесете за развој на Астрономију и куде нас. Поздрав, па чекамо ве!
П.С. Иначе може на не најдете и на Facebook, линк до Групу ни е
Поздрав!

w w w.a s t k u m. t k Astronomsdki Portal za Kumanovo i posiroko