Занимливости!

Маче со две лица

Маченцево можеби нема девет животи, но е родено со две лица.

Ова слатко мало суштество, кое вчера е родено во Перт, Австралија може да мјаука од двете усти.

Сопственикот
на маченцето мораше да побара помош од ветеринарните служби откако
неговата мачка имаше компликации за време на омачувањето.

„Досега
сум видел мачка со две опашки, со екстра нозе, но вакво нешто досега не
сум видел“, вели сопственикот на мачето, кое планира да го крсти
Квазимодо.

Ветеринарот кој го донесе ова животинче на свет
вели дека мачето веројатно ќе опстане, особено штом успешно ја
преживеало првата ноќ.

„Органите во стомачната празнина му се
целосно оформени. Успеа да ја преживее ноќта, а тоа е добар знак.
Делува стабилно. Мјаука и преде“, изјави ветеринарот.

Мачето кое симултано мјаука од двете усти, сепак се храни само од едната, бидејќи на другата има напукнато непце.

Во Дубаи отворен хотел од милијарда и половина долари


Иако цената на нафтата паѓа, во Дубаи нема криза. Таму синоќа по
повод отворањето на луксузниот хотел се собрал светскиот џет-сет.



На
отворањето на милијарда и половина долари вредниот хотел “Атлантис“
присуствувале повеќе од две илјади ѕвезди од секаде од светот.

Свеченоста
за отворањето чинела 20 милиони долари. Била проследена со грандиозен
огномет, подготвуван полни три недели. Според организаторите овој
огномет бил најголемиот огномет досега, дуру седум пати поголем од оној
на овогодинешните Олимписки игри во Пекинг.

Почина најстарата поларна мечка

Една зоолошка градина во Канада жали за смртта на најстарата поларна мечка во светот.

Мечката
Деби, која имала 42 години, умрела неделава во Зоолошката во Винипег,
Манитоба, каде што живеела од 1967 година откако била фатена како
оставено мече во рускиот дел од Арктикот во 1966 година.

Деби имала влошено здравје поради годините и ветеринарите решиле да ја успијат откако утврдиле дека и откажале повеќето органи.

Кога наполнила 41 година, таа била регистрирана како најстарата поларна мечка во Гинисовата книга на рекорди.

Деби родила шест мечиња во зоолошката каде што живеела многу години со мечарот Скипер, кој умрел кога имал 34 години.

Поларните мечки можат да живеат во дивината повеќе од 30 години, но повеќето не живеат повеќе од 20 години.

Среќата со пари не се купува?

Парите
се услов за среќа. Но, да се имаат многу пари не значи и дека
автоматски ќе се биде посреќен. Тоа го утврди истражувањето на условите
на живеење во ЕУ и во земјите кои прават напори да станат дел од
унијата.

Најсреќни Европејци, според истражувањето спроведено
од Европската фондација за унапредување на условите на живеење и работа
(Еурофаунд), се Данците, Швеѓаните и Финците. Најдолу на табелата се
Бугарите, а Македонците се на претпоследното место. Германците, заедно
со Словаците и Чесите се вбројуваат во европскиот просек. Посреќни од
нив се Французите, Британците и Шпанците, а понесреќни Полјаците,
Австријците и Италијанците.

Македонците се на дното на скалата за среќа и приходи

„Земјите
со високи приходи, на прашањето за тоа колку се задоволни со својот
живот, се пласираат добро“, вели Бранислав Микулиќ од Фондацијата.
Македонија е на дното на скалата на приходи во домаќинството. Едно
македoнско домаќинство има само една третина од приходите што просечно
се добиваат во Европа. Тоа, можеби би можело да ја објaсни позицијата
на Македонија на дното на табелата за среќа, но она што треба да се
подвлече, е фактот дека среќата и задоволството не растат
правопропорционално со дебелината на банковната сметка. Според Микулиќ,
кога ќе биде достигнато определено ниво на приходи, тогаш парите веќе
не играат голема улога при порастот на квалитетот на живеење. Најдобар
пример се нордиските земји, каде испитаниците кои земаат различно
високи плати, имаат отприлика еднакво чувство на среќа и задоволство.
Во Германија, Франција, Полска и Австрија, пак, контрастите меѓу
сиромашните и богатите граѓани се поголеми.

Германците се во европскиот просек

На иднината се гледа со розови очила

Истражувањето
на Еурофаунд покажува и дека голем број европски граѓани не се
чувствуваат здравствено најдобро. „Не многу луѓе на прашањето за
нивното здравје одговараат дека е тоа добро“, објаснува експертот
Роберт Андерсон. А, здравјето и семејството се двата клучни фактори за
задоволство. И во делот на менталното здравје, Македонците се меѓу
четирите земји кои се најдолу на табелата. Зад нив се уште само
Романците, Турците и Малтежаните. Со најдобро ментално здравје се
луѓето од нордиските земји, а Германците и во тој дел се европски
просек.

И покрај сите проблеми, повеќето граѓани во времето на
спроведување на истражувањето - од септември 2007. до февруари 2008. на
иднината гледале оптимистички. Германците, дури, биле нешто малку
поубедени во добра иднина отколку просечниот Европеец. Песимистите
преовладуваат само во Унгарија.

можно е