Грција бара од Нимиц да се разјасни кој од Македонија преговара за името

Грција бара од Метју Нимиц јасни услови за преговорите во спорот со Македонија за името, објавува весникот “Катимерини“.

“Првичните набљудувања на грчката страна на последниот предлог на медијаторот на ООН, и забелешката дека ако не се разјаснат правилата на играта поточно кој од Македонија преговара, не може да има напредок“ му кажал во телефонски разговор грчкиот преговарач Адамандиос Василакис на посредникот Метју Нимиц, пренесува весникот.

Како што објавува “Катимерини“, се очекува дека Василакис ќе замине во Њујорк на почетокот на ноември, за да се сретне со Нимиц.

“Истовремено македонските власти на меѓународните организации им се жалат од Грција за “бум на национализмот и шовинизмот“ за паролите слушнати за време на воената парада во Солун, во вторникот. Грчките командоси скандираа ’Македонија е грчка“. Министерот за одбрана на Македонија, Зоран Коњановски, изјавил дека не добил покана од својот грчки колега Евангелос Мејмаракис, да присуствува на парадата, оти имало информација за ’антимакедонски провокации’. За ова не била испратена нота до грчката канцеларија за врски во Скопје“, се вели во текстот.

Пападопулу ги демантира антимакедонските скандирања во Солун

Атина, 31 октомври (МИА) - Грција ги демантира тврдењата на Скопје дека членови на клубот на грчките командоси скандирале антимакедонски пароли за време на воената парада во Солун по повод националниот празник на земјата „Охи“ (Не) на 28 октомври, јави грчката новинска агенција АНА-МПА.

Шефот на грчката Канцеларија за врски во Скопје Александра Пападопулу за агенцијата изјавила дека „од изјавите на македонскиот заменик миинистер за надворешни работи Зоран Петров во врска со скандирањата се сфаќа дека Владата не сака или не се осмелува да ги слушне грчките позиции и аргументи“.

- Во секој случај тоа не се сериозни работи, рекла Пападопулу, јави АНА-МПА.

Абе да им ..... мајката и америчка и грчка тие не ни постоеле кога ние сме биле држава , а сега они ке ни казат како да се викаме. поголеми врти капи од американците не постојат те не признаваат под уставно име па после Бушавиот ке стане на лева нога па ... решете го проблемот вие самите со атињаните ..... И нешто друго ако се толку јаки тие атињаните нека дојдат па еднаш засекогаш да се решиме..

Македонија самата донесе одлука да поднесе тужба во Хаг

Вашингтон,
19 ноември (МИА) - Македонија самата донесе одлука да поднесе тужба
пред Меѓународниот суд на правдата, реагираше портпаролот на Стејт
департментот Шон Мекормак на прашање од грчки новинар за тоа дали имало
комуникација или координација со САД пред македонската Влада да повлече
таков потег.

Според Мекормак, Македонија донесе сопствена
одлука за која верува дека е во нејзин најдобар интерес. Тој ја отфрли
можноста САД да се вклучат во судскиот процес со тоа што би дале свое
гледиште за случајот.

Портпаролот на Стејт департментот, како
што јави Гласот на Америка програма на македонски јазик, истовремено ги
поддржа преговорите за решавање на спорот за името што се водат со
посредство на ОН.

- И натаму го поддржуваме процесот на
соработка за изнаоѓање на заеднички прифатливо решение за проблемот со
името. Ги поддржуваме напорите на амбасадодорот Нимиц, рече Шон
Мекормак.

Извор: МИА